Parlamenti Europian ka votuar me 331 vota pro dhe 126 kundër për vazhdimin e mandatit të liberalizimit të vizave për qytetarët e Kosovës.
Nisma për vazhdimësinë e mandatit për liberalizimin e vizave është propozuar nga eurodeputetja, Tanja Fajon.
Sipas ekspertëve, ky votim tregon dhe njëherë mbështetjen e europarlamentarëve ndaj Kosovës. Më herët, PE ka votuar një rezolutë, e cila kërkonte që vendet e BE të heqin regjimin e vizave për qytetarët kosovarë, kjo rezolutë u hartua sipas rekomandimit të Komisionit Europian.
Por, rezoluta nuk ishte bindëse për disa nga ministrat e Brendshëm të vendeve anëtare të BE. Ndërkohë përmes një postimi në Twitter, eurodeputetja Tanja Fajon shprehet se shumica votoi pro liberalizimit të vizave dhe se tani është radhe e Komisionit Europian të bëj punën e tij
“Tani i takon Këshillit Europian të bëjë punën e tij. Shumica votoi në favor të liberalizimit të vizave për Kosovën. I bëjmë thirrje Këshillit të veprojë tani”-shkruan Fajon.
Në sallë pati debate, e dallimet mbi këtë çështje ishin të qarta. Fajon këmbënguli të tregonte se BE-ja ka dështuar të realizojë premtimet e saj ndaj Kosovës./ Opinion.al E.Xh.
