Një shpërthim me lendë eksplozive ka ndodhur gjatë orëve të natës në Ishull Shëngjin të Lezhës. Mësohet se lënda plasëse i është vendosur një servisi makinash.
Si pasojë e shpërthimit janë shkaktuar dëme materiale, xhama të thyer të servisit ashtu sikur edhe të një automjeti që ishte i parkuar në oborrin e biznesit në fjalë.
Sipas informacioneve, bëhet me dije se servisi është në pronësi të Tol Mhillaj.
Njoftimi i policisë:
Lezhë /Informacion paraprak
Në mesnatë, në Ishull Shëngjin, te porta e servisit të automjeteve në pronësi të shtetasit T.M., 58 vjeç, është vendosur një sasi lëndë plasëse, ku si pasojë e shpërthimit të saj janë shkaktuar vetëm dëme materiale. Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit.
