Zona e Lezhës është një ndër më të prekurat nga përmbytjet dhe dëmtimet e këtyre ditëve, si pasojë e reshjeve të dendura.
Së fundi, raportohet shembja në urën e Kalivaçit në njësinë administrative Ungrej, çka ka bërë që banorët e këtij fshati të mbeten të izoluar.
Ndërkohë rrëshkitjet e dherave vijojnë në zonën e Torovicës, në lagjen Varosh të qytetit te Lezhës dhe në fshatrat Fan e Jezull të Mirditës. Dëmtime dhe çarje të thella të rrugës u raportuan një ditë më parë edhe në aksin që lidhte Borshin me Sarandën, duke bërë të pamundur kalimin./Opinion.al
