Kryeministri Edi Rama ka zhvilluar ditën e sotme një takim me pronarët e bujtinave në Lezhë, teka gjatë bisedës nuk kanë munguar as batutat.
Rama shkëmbeu batuta me një nga pjesëmarrëset në takim duke i kërkuar të mos e falenderojë për ndërtimin e rrugës sepse qeveritë për këtë punë janë dhe jo për të bërë vezë të kuqe.
“Mos më falendero për rrugën se për detyrën jemi zgjedhur, nuk jemi zgjedhur për të bërë vezë të kuqe. Për detyrën ishin edhe ata përpara, por dihet se çfarë bënë. Si rruga që kishe ti ka plot rrugë të tjerë. Ne nuk mund t’i bëjmë të gjitha në këtë kohë sepse nuk mundemi”, u shpreh Rama
Kreu i qeverisë ndër të tjera deklaroi se do të nisë ndërtimi i një shkolle me financim nga buxheti I shtetit për agro-turizmin.
“Unë dëshiroj të ngremë një shkollë me ju për investimin në agroturizëm. Jo të ndërtojmë një bujtinë dhe të prodhojmë djathë por një bujtinë të lidhur me historinë familjare. Përmes jush kjo shkollë të frymëzojë të tjerë që kur e dëgjojnë nga unë dhe Pjerini nuk e besojnë. Thonë këta po na tregojnë përralla. Për këtë shkollë do financojmë ne dhe ju do jeni mjeshtrat që përçoni dijen”, deklaroi ai./Opinion.al
