Të shtëna me armë zjarri janë regjistruar gjatë orëve të mbrëmjes në lagjen “Nënë Tereza” në Lezhë.
Mësohet se autori ka qëlluar me armë në drejtim të një makine e cila drejtohej nga 25-vjeçari Eduart Pica.
Deri më tani rrethanat e ngjarjes janë ende të paqarta, ndërsa nuk ka asnjë informacion për identitetin e autorit.
Ndërkohë, policia deklaron se janë ngritur pika kontrolli dhe vijon puna për kapjen e personit që i bëri atentat 25-vjeçarit.
Njoftimi i policisë:
Në lagjen “Nënë Tereza” , Lezhë në rrethana ende të paqarta, është qëlluar me armë zjarri në drejtim të mjetit me drejtues shtetasin E.P.,25 vjeç.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes.
Nga verifikimet e bëra nga shërbimet e Policisë, rezulton se nuk ka persona të dëmtuar.
Nga shërbimet e DVP Lezhë dhe Komisariatit të Policisë Lezhë janë ngritur pika kontrolli në akset rrugore dhe vijon krehja e zonës./ Opinion.al
