Të shtëna me armë zjarri janë regjistruar mëngjesin e sotëm në fshatin Pllanë të Lezhës.
Mësohet se ngjarja ka ndodhur në rrethana ende të paqarta rreth orës 06:30. Lokali ndaj të cilit u qëllua me armë është në pronësi të Gjovalin Prendi.
Referuar të dhënave paraprake, nga të shtënat nuk ka persona të lënduar. Aktualisht në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Ndërkohë, janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP Lezhë./ Opinion.al
