Policia e Shtetit vijon të procedojë penalisht qytetarët të cilët protestuan për vrasjen e 25-vjeçarit Klodian Rasha nga një efektiv policie pasi nuk iu bind urdhrit për të ndaluar.
Mësohet se Policia në Lezhë ka proceduar penalisht 15 persona duke i akuzuar ata për organizim, grumbullim dhe manifestim të paligjshëm, shkatërrim pronën, pengim të qarkullimit të mjeteve të transportit dhe nuk iu bindën urdhrit të punonjësve të Policisë.
Inicialet e të proceduarve janë -K. A., M. L., S. T., E. Gj., P. M., P. M., K. K., Ll. P., E. H., P. H., S. N., A. R., K. B., A. P. dhe K. U.
Sipas Policisë, të proceduarit kanë protestuar në mënyrë të paligjshme duke hedhur sende të forta në drejtim të godinës së DVP Lezhë dhe Prokurorisë Lezhë, ku për pasojë kanë thyer disa xhama. Gjithashtu, kanë bllokuar lëvizjen e mjeteve në aksin rrugor Shkodër – Lezhë – Tiranë, për rreth një orë, si dhe kanë djegur koshat e mbeturinave në hyrje të qytetit të Lezhës./ Opinion.al
