Një ngjarje e dhimbshme dhe njëkohësisht e pazakontë ka ndodhur dje në Lezhë, një prej qarqeve më të prekur nga përmbytjet e shkaktuara nga reshjet intensive të shiut të ditëve të fundit.
Një grua e moshuar ka ndërruar jetë, por për shkak se rruga që lidh fshatin Torovicë me fshatin Malecaj në Njësinë Administrative Balldren është e bllokuar nga uji dhe nuk mund të kalohet me mjete të vogla, familjarët nuk kanë mundur ta përcjellin ashtu siç duhet të afërmen e tyre për në banesën e fundit.
Në këto kushte, ata kërkuan ndihmën e emergjencave për të përcjellë në varreza të ndjerën.
Është dashur që trupi i të ndjerës të futet në një mjet bujqësor dhe më pas të kalohet në mes të rrugës në arkivol dhe makinën e funeralit për t’u përcjellë në banesën e fundit.
