Një konflikt mes tre personave është parandaluar nga Policia e Lezhës. Uniformat blu arrestuan një 26-vjeçar dhe proceduan në gjendje të lirë dy persona të tjerë.
Ata u konfliktuan për motive të dobëta, duke goditur njëri-tjetrin me sende të forta. Ndërhyrja në kohë e policisë bëri të mundur parandalimin e përshkallëzimit të kësaj ngjarje, pasi 26-vjeçarit të arrestuar iu gjet dhe sekuestrua një pistoletë.
Përveç armëmbajtjes pa leje, 26-vjeçari akuzohet edhe për kanosje, dëmtime të tjera me dashje dhe prishje të rendit, sikurse edhe dy personat e tjerë të proceduar në gjendje të lirë.
