Një 32-vjeçare ka humbur jetën si pasojë e një aksidenti që ka ndodhur te mbikalimi i Patokut.
Policia njofton se rreth orës 07:35 në aksin rrugor Mbikalimi i Patokut-Laç, 32-vjeçarja M.M ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës.
Menjëherë 33-vjeçarja është transportuar për në Spitalin e Traumës, por fatkeqësisht ka ndërruar jetë gjatë rrugës.
“Rreth orës 07:35, në aksin rrugor Mbikalimi i Patokut-Laç, shtetasja M. M. 32 vjeçe, ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës i cili ishte i mbushur me ujë.
Drejtuesja e automjetit është transportuar për në Spitalin e Traumes Tiranë për ndihmë të specializuar mjekësore, por rrugës ka humbur jetën.
Grupi hetimor në vendin e ngjarjes vijon veprimet hetimore për zbardhjen e plotë të rrethanave të ngjarjes.”- njofton policia.
