Dy burra të moshave 41 dhe 45-vjeç janë dërguar në spital pasi kanë goditur njëri-tjetrin me shkopinj dhe thikë.
Sipas policisë, ngjarja ka ndodhur në Lezhë, ndërsa shtetasit me inicialet A.B dhe A.L, të dy banues në këtë zonë mësohet se janë konfliktuar për motive të dobëta. Ata akuzohen për veprën penale “Plagosja e rëndë me dashje”.
Ndërkohë, mësohet se dy të lënduarit ndodhen jashtë rrezikut për jetën.
“-A. B., 41 vjeç dhe A. L., 45 vjeç, banues në Lezhë akuzohen për veprën penale “Plagosja e rëndë me dashje”, pasi për motive të dobëta, kanë goditur njëri-tjetrin me mjete të forta dhe prerëse (shkop druri dhe thikë). Si pasojë dëmtimeve të marra, të dy shtetasit janë dërguar në spital për ndihmë mjekësore, jashtë rrezikut për jetën.
Materialet procedurale u referuan në Prokurorinë e Rrethit Gjyqësor Lezhë, për veprime të mëtejshme.”, njofton policia./Opinion.al
