Banorët e Lezhës vuajnë prej ditësh mungesën e ujit të pijshëm. Janë 64 familje në Gryk Zezë të cilët protestuan përpara bashkisë së Lezhë, duke kërkuar zgjidhje për problemin e tyre. Banorët shprehen se janë pa kontratë për furnizimin me ujë.
Nënkryetari i bashkisë së Lezhës, Enver Hafizi, priti një përfaqësi të banorëve, por pa i dhënë një zgjidhje i orientoi në Drejtorinë e Ujësjellësit për të lidhur kontrata të reja.
Hafizi shtoi se familjet që janë lënë jashtë projektit të ujësjellësit të ri do të përfshihen brenda dy muajve.
Në një situatë të tillë nuk dihet edhe për sa kohë banorët do të mbeten pa ujë të pijshëm.
