Një 21-vjeçar është vënë në pranga nga policia në Tiranë, pasi shpërndante kanabis.
Ky shtetas, për të shmangur kontrollet nga Policia, lëvizte me taksi.
Gjatë ndërhyrjes nga shërbimet e Policisë, 21-vjeçari u kap duke qarkulluar si pasagjer në një mjet taksi, në rrugën “Pavarësia”.
“Forca e Posaçme “Shqiponja” në bashkëpunim me Seksionin për Hetimin e Narkotikëve, fale inteligjencës policore bënë kapjen dhe arrestimin në flagrancë të shtetasit E.N, 21 vjeç, banues në Tiranë.
Ky shtetas, për të shmangur kontrollet nga Policia, lëvizte me taksi. Gjatë ndërhyrjes nga shërbimet e Policisë, 21-vjeçari u kap duke qarkulluar si pasagjer në një mjet taksi, në rrugën “Pavarësia”. Gjatë kontrollit fizik dhe banesës së 21-vjeçarit, shërbimet e Policë, gjetën dhe sekuestruan në cilësinë e provës materiale, doza me lëndë narkotike kanabis dhe një aparat celular”, njofton policia.
Materialet do t’i kalojnë Prokurorisë, për veprime të mëtejshme procedurale./Opinion.al
