Gjatë një aksioni policor për kontrollin e mjeteve të blinduara është ndaluar me makinë të blinduar, Ramazan Rraja, nipi i deputetit të PS, Rahman Rraja.
Sipas gazetares Klodiana Lala, aksioni policor është zhvilluar në Qafe-Kashar. Lala ka siguruar dhe pamje nga operacioni, ku shihet edhe mjeti i blinduar.
Mësohet se gjatë kontrollit të automjetit nuk janë gjetur mjete të kundraligjshme ndërsa po ashtu vlen të theksohet se Rramazan Raja nuk është person i shpallur në kërkim.
Sipas informacioneve, efektivët deri tani kanë bllokuar 3 mjete.
Kujtojmë se Ramazan Rraja është një emër i njohur për policinë, pasi është akuzuar për disa ngjarje kriminale në vend, për trafik droge si dhe kërkohej të merrej në pyetje për masakrën e Fushë-Krujës, ku u ekzekutuan me rreth 100 plumba kallashnikovi tre të rinjtë Brilant Martinaj, Diklen Vata dhe Besmir Hoxha.
Për akuzat në fjalë, Rraja tha sulmohej pasi ishte nip i deputetit të PS, duke mohuar kategorikisht se kishte lidhje me ngjarje.
