Një 38-vjeçar me iniciale B. H ka rënë në prangat e policisë pasi gjatë kontrollit në automjetin e tij janë gjetur sasi droge dhe armë pa leje .
Ndalimi i tij për kontroll nga ana e policisë ndodhi për shkak se kur 38-vjeçari ka parë mjetin e Policisë ka kryer lëvizje të dyshimta, sipas bluve. Më pas policia e ka ndjekur këtë automjet dhe ndalimi i tij është bërë në zonën e Liqenit të Thatë.
Në kontrollin e ushtruar janë gjetur se sekuestruar si prova materiale, 1 armë zjarri tip pistoletë e markës Glock, me 16 fishekë, një sasi prej 1.8 gr lëndë e dyshuar narkotike e llojit kokainë, 4.4 gr lëndë e dyshuar narkotike e llojit cannabis sativa, në formë cigareje, 3 thika, 2 me hapje dhe 1 në formë stilolapsi, 4 celularë dhe një bllokues valësh celulari, një sasi prej 2 765 000 lekësh të reja si dhe disa çelësa automjetesh dhe karta banke.
Materialet do t’i kalojnë Prokurorisë së rrethit Gjyqësor Tiranë, për veprat penale “Mbajtja pa leje e armëve të ftohta” dhe ”Prodhimi dhe shitja e narkotikëve”./Opinion.al/
