Nga Lorenzo Cremonesi/ Corriere della Sera
Një rrymë mendimi laike anti-sektare po e shkund Sirinë e shkatërruar nga pesë vitet e një lufte të përgjakshme civile. Nëpërmjet një lëvizjejej të papritur dhe mjaft befasuese. Disa udhëheqës dhe persona të spikatur të komunitetit alavit kanë publikuar një dokument në të cilin distancohen nga regjimi i Bashar Assad dhe angazhohen për të ndërtuar një të ardhme me tolerancë.
Deklaratë me 35 pika
Edhe pse gjatë viteve të kaluara alavitët kishin shprehur kritika ndaj presidentit, këto të fundit ishin dukur më tepër si sinjale vështirësie dhe mosbesimi për ecurinë e luftës. Në fakt, vetë familja e Assadit është alavite dhe që prej marrjes së pushtetit nga Hafez Assad (babai i presidentit aktual), thuajse gjysmë shekulli më parë, është sjellë gjithnjë si mbrohtëse e komunitetit të saj duke e promovuar në krye të vendit. Por hapi i ri mbështetet te një dokument prej tetë faqesh i cili që në titullin “Deklarata e Reformës së Identitetit” synon të jetë njëfarë programi ideologjik dhe thuajse filozofik që ka për qëllim të përgatisë një rinovim të thellë të vendit që të garantojë bashkëjetesën paqësore ndërmjet elementëve të tij të ndryshëm entikë dhe fetarë. Dhe hapin e parë e kanë bërë vetë udhëheqësit alavitë që e kanë promovuar nismën.
Alavitët
Nuk duhet harruar se përbëjnë 12 përqind të popullsisë siriane (24 milionë përpara 2011-s). Zakonisht paraqiten si një “sekt” i lidhur me universin shiit, praktikat e veçantë të të cilëve si dhe ritualet gjysmë të fshehta i kianë mbajtur gjithnjë të ndarë nga shumica e sirianëve sunitë. Por tani deklarojnë se duan të hapen ndaj pjesës tjetër të vendit në emër të luftës kundër sektarizmit. Ndër të tjera iu referohen vlerave të përbashkëta të demokracisë moderne të “barazisë, lirisë dhe qytetarisë”. Ata shprehen në favor të një shteti laik që të garantojë lirinë e feve pa dallime. Në dokument përpiqen të sqarojnë edhe themelet e besimit të tyre, “që mbështetet vetëm tek ideja e adhurimit të Zotit” dhe te respekti i Kuranit “libri ynë i vetëm i shenjtë dhe referim i qartë ndaj identitetit tonë mysliman”. Së fundi, në një pasazh të rëndësishëm sqarojnë se e ardhmja e Sirisë së sotme është në duart e komunitetit ndërkombëtar.
Shifrat
Është ende e vështirë të verifikohet se sa vetë në komunitetin alavit janë dakord me dokumentin. Mund edhe të përfytyrohet se ai në njëfarë mënyre mund të jetë frymëzuar nga Moska, duke parë rëndësinë e politikës së Putinit, i cili me ndërhyrjen ushtarake të muajve fundit të krah regjimit të Assadit shmangu edhe masakrimin e komunitetit alavit, sepse deri në verën e kaluar dukej se milicit sunute reble ishin gati të fitonin. Megjithatë bëhet fjalë për një përpjekje interesante për të zgjidhur luftën në emër të laicizmit të politikës. Një hap për të cilin vendi (dhe bashkë me të e gjithë Lindja e Mesme) ka tepër nevojë. Një pjesë e komunitetit sunit, përveç drusëve, të krishterëve dhe kurdëve mund të atashohen lehtësisht. Edhe vetë Assadi mund të detyrohet që të pranojë.
Përshtati: Syri.net
