Anëtarët e partisë “Lëvizja 5 Yje” në Itali do të mbajnë një votim online nëse e aprovojnë ose jo koalicionin e partisë së tyre me Partinë Demokratike për të formuar qeverinë.
Javën e kaluar, kryeministrin Giuseppe Conte u angazhua në sigurimin e një marrëveshjeje midis partive për të mos shkuar në zgjedhje të parakohshme pasi prishjes së koalicionit midis Mateo Salvinit dhe “5 Yjeve”
Rreth 100 mijë persona janë regjistruar në faqen e internetit të ku “Lëvizja 5 Yje” do të zhvillojë ‘referendumin’ prej orës 9 deri në orën 18:00 ditën e martë. Pyetja për të cilën do të zgjedhin të votojnë qytetarët do të jetë “A jeni dakord që “Lëvizja 5 Yje” të formojë qeverinë sëbashku me Partinë Demokratike dhe me në krye Giuseppe Conten?”
Përfaqsuesi i “5 Yjeve” në senat Stefano Patuanelli, tha të hënë se nëse shumica e anëtarëve të partisë do të votojnë “jo” atëherë Conte do ti drejtohet presidentit Mattarella për ta vënë në dijeni se përpjekjet për formimin e një qeverie kanë dështuar.
Faqja e interneti ku do të zhvillohet referendumi quhet Ruso, në nder të filozofit të shekullit të 18. Ajo është përdorur disa herë në vendimmarrjen e Lëvizjes por gjithashtu ka vuajtur nga sulmet kibernetike. Së fundmi mirëmbajtësit e faqes janë gjobitur me 50 mijë euro për thyerje të sigurisë.
Zgjedhja në krye të partisë e Luigi Di Maios është bërë në të njëjtën mënyrë gjithashtu dhe formimi i koalicionit me Lega Nord.
Nëse Conte nuk arrin të formojë një qeveri të re, Mattarella ka të ngjarë të shpallë zgjedhje të reja.
Lega Nord mbetet partia më e popullore, pavarësisht rrëzimit të qeverisë. Një sondazh i publikuar të shtunën nga Corriere della Sera tregoi se mbështetja për Legan ra në 31.8% nga rekordi i mesit të korrikut prej 35.9%. Sipas të njëjtit sondazh “Lëvizja 5 Yje” u rrit gati shtatë pikë përqindje nga mesi i korrikut në 24.2%, ndërsa PD u rrit margjinalisht në 22.3%. /Opinion.al
