Qeverisë së lartë të Republikës Sovjetike
Moskë
Vjenë, në 12 Dhjetor
1920
Kam nderin e madh që t’I parashtroj Republikës së Lartë sa më poshtë, – dhe lutem që gjërat e përmëndura këtu t’i nënshtrohen një vlerësimi të drejtë.
Populli shqiptar që gjithmonë është përpjekur për lirinë dhe pavarësinë ( sovranitetin) e tij, në vitin 1912, nëpërmjet të fuqivë të mëdha që u mblodhën në londër, arriti të njihet për herë të parë si shtet – por popullit të vogël të shqiptarëve i humbën afro 1 milion e 500.00 shpirtra, — pjesërisht i kaluan Malit të Zi, pjesërisht Serbisë dhe pjesërisht Greqisë.
Kështu që në të vërtetë Shqipëria humbi qytetet e saj më të bukura dhe krahinat më të begatëshme, i humbi në favor të fqinjëve, të cilët kanë plotësisht ndërmend t’i zhdukin e pjesërisht t’i çkombtarizojnë këto teprica shqiptare.
Populli shqiptar pret nga Rusia Sovjetike paçifikacionin e drejtë, fisnik dhe të vërtetë të Ballkanit.
Populli pret me mall caktimin e kufijve jo mbi bazën brutale e të përgjaktë të historisë, por mbi bazën e pronësisë aktuale, të vërtetë dhe faktive.
Prandaj, në emrin tim si shef si dhe në emrin e 1 milion dhe 500.000 të shtypurve, marr lejen të lutem sa vijon:
Zemrat e popullit shqiptar kërkojnë t’u jepen territoret e poshtëshënuara. Territorë që janë të banuar vetëm prej shqiptarëve dhe të cilat sot i përkasin Malit të Zi (ose Mbretërisë së Jogosllavisë).
Nga Mali i Zi: territoret: (së pari)
- Qytetin dhe territorin e Ulqinit dhe territorin “Kraja”, të marrë nga Mali I Zi në vitin 1880 si shkëmbim për krahinat që u përmendën më vonë të Plavës dhe Gucisë, të cilat në atë kohë kundërshtuan më armë bashkimin me Malin e Zi. – (Kongresi i Berlinit, 1878)
- Shqipëria kërkon nga Mali i Zi, respektivisht (Mb. Jug. Sot) territoret: Qytetin “Tuz”, fiset “Hoti” dhe “Gruda”, të humbura në vitin 1913, këta tre fise janë thjesht shqiptarë
- Fisin e Trepshajve, humbur në vitin 1880
- Pastaj neve na përkasin edhe krahinat e “Plavës” dhe “Gucisë”, humbur në vitin 1913
- Nga ish-sanxhaku i Pejës Shqipërisë i përket ligjërisht rrethi “Rozaj” i banuar vetëm nga shqiptarë muslimanë; pastaj (5) nga ish-sanxhaku i Prishtinës: janë shqiptare: Mitrovica, qyteti dhe rrethi, pastaj Vuçiterni më gjithë rreth, pastaj Terisoviç me gjithë rreth, — pastaj qyteti Gilan me gjithë rreth, — fshati “Preshevë” – fshati “Bejonovci” – pastaj Bilaç, Zyberca
- Qyteti dhe rrethi i Shkupit
- Shqipëria kërkon edhe:
Rrethin dhe qytetin “Kalkandelen” (shqip: Tetovë).
- Qytetin dhe krahinën “Gostivar”
- Qytetin dhe krahinën “Kërçova”
- Krahinën e tanishme të “Xhevatos”
- Qytetin dhe rrethin e Prespës, Resnja
Që nga kjo pjesë, kufiri prej Malit të Shën- Ivanit, rrethi Korçë, sipas dispozitave të Komisionit për rregullimin kufitar të vitit 1912-1913, zgjatet përgjithësisht në mënyrë të saktë dhe i gjithë populli është i kënaqur, por fare në Jugë të Shqipërisë (kundrejt Korfuzit), në krahinën e quajtur “Çamërija” Shqipëria humbi në favor të Greqisë afro 150.000 banorë.
I bindur thellësisht që Bashkimi Sovjetik më së fundi në një të ardhme të afërt do mund t’i përcaktojë në mënyrë të drejtë kufijt e Evropës e veçanërisht të Ballkanit, ne i lutemi Qeverisë së Lartë Sovjetike, që kërkesat tona të drejta… rektifikimin … (fjalë e shkruar jo qartë)/Blitz.al
