Kryetari i Partisë Demokratike Lulzim Basha ka marrë mbështetje nga Shtetet e Bashkuara të Amerikës për protestën e nesërme të opozitës
Kreut të opozitës i është dërguar një letër nga kongresmeni Dana Rohrabacher, kryetar i komisionit të punëve të jashtme për Europën.
“I dashur Lulzim,
Ne mbështesim fuqimisht përpjekjet e qytetarëve shqiptarë dhe betejën e tyre të drejtë për zgjedhje të lira dhe të ndershme. Populli shqiptar duhet ta dijë se do të ketë gjithmonë mbështetjen tonë në kauzën e tij për liri dhe demokraci, shtet të së drejtës dhe liri njerëzore.
Përzemërsisht,
Dana Rohrabacher”, thuhet në letrën e kongresmenit amerikan dërguar kryetarit të PD Lulzim Basha.
Kryedemokrati e ka bërë publike në Facebook letrën që ka marrë një ditë para protestës kundër Qeverisë Rama.
