Joaquin Guzman El Capo, bosi i arratisur i një prej karteleve më të mëdha të drogës në Meksikë, thuhet se i ka dërguar një letër kërcënuese shteti të ISIS-it.
El Capo thuhet se ia ka dërguar letrën liderit të organizatës terroriste Ebu Bekr Al- Baghdadi, pasi mendohet se xhihadistët kanë shkatërruar njërën nga dërgesat e kartelit të tij.
Shefi i kartelit Sinaloa tha se është e qartë se Shteti Islamik ka bërë një gabim duke shkatërruar ngarkesat e drogës.
“Ju nuk jeni ushtarë. Njerëzit e mi do t’iu shkatërrojnë. Zoti juaj nuk mund të iu ruajë nga terrori që njerëzit e mi mund të bëjnë ndaj juve nëse vazhdoni t’i prekni operacionet e mia”, thuhet në letrën që ka shkruar El Capo e publikuar në ëebsajtin cartelblog.com.
Deri më tani nuk konfirmohet autenticiteti i letrës.
El Capo është një nga liderët kryesorë të drogës. Ai kërkohet nga Meksika, Interpoli dhe SHBA që kanë japin pesë milionë dollarë shpërblim për informatat se ku fshihet ai.
Këtë vit El Capo ka ikur nga burgu nëpërmes një tuneli të gjatë 1.5 kilometra që anëtarët e kartelit të tij e kanë paguar 50 milionë dollarë.
