Deputeti Alqi Bllako ka dorëzuar në Kuvend shkresën e lënies së mandatit. Bllako nuk është paraqitur fizikisht në ambientet e Kuvendit por dorëheqja zyrtare ka shkuar në zyrat e Kryesisë së Kuvendit me postë.
Në letrën e dorëzimit të mandatit të siguruar nga Opinion.al ai shkruan se dorëzon mandatin e deputetit të PS, të qarkut Tiranë me vullnet të plotë.
Më tej ai shkruan: “Me bindjen e plotë se në fund të këtij procesi do të provohet pafajësia ime, integriteti dhe ndershmëria në detyrën e ushtruar me këtë akt personal vihem në dispozicion të drejtësisë duke gjykuar t’i hap rrugën të pakushtëzuar proceseve të mëtejshme të organeve të drejtësisë”.
Alqi Bllako dorëzoi mandatin e deputetit pasi Prokuroria e Posaçme kundër Krimit të Organizuar dhe Korrupsionit kërkoi arrestimin e tij. Bllako rezulton të jetë i implikuar në çështjen e inceneratorit të Fierit./Opinion.al
