Nënë Veziko nga Vlora la Spitalin Infektiv së bashku me tre anëtarët e saj të familjes pasi fituan luftën me koronavirusin.
Ajo shprehu falenderimin e saj për stafin mjekësor nëpërmjet një letre të cilën e publikoi në Facebook, mjeku infeksionist Pëllumb Pipero.
Ndër të tjera në letrën e saj falenderuse nënë Veziko nuk harron të fusë edhe nota humori duke shkruar se “qederi” (virusi) do ikë “se është ilaç i mirë Piperi, me shokë”.
LETRA E VEZIKOS
Të dashur djem dhe vajza,
Ju falenderoj të gjithëve ju që punoni në spitale në këto ditë shumë të vështira. Ju falenderoj për kujdesin që keni treguar për mua dhe për të gjithë.
Paçi shëndet në çdo shtëpi, doktorë, infermierë, sanitarë e të gjithë ju që bëni këtë sakrificë kudo. Dalshi faqebardhë dhe nga pleqtë marrçi uratën.
Njerëz do iki qederi, se është ilaç i mirë Piperi, me shokë.
Faleminderit e shëndet
Veziko 05/04/2020 /Opinion.al
