Kryesore

Letra/Bllokim pronave të politikanëve serbë, Vuçiç: Nuk kam prona jashtë vendit


Bëhu pjesë e Grupit Zyrtar të Opinion.al
>> KËTU <<
               Publikuar në : 19:44 - 07/11/21 |
Opi Nion

Në një letër të dërguar presidentit Biden lidhur me Serbinë dhe sjelljen e saj politike, shtatë kongresmenë amerikanë kërkojnë ndër të tjera që presidenti të konsiderojë përdorimin e  Urdhrit Ekzekutiv 14033, për të bllokuar pronat dhe për të ndaluar hyrjen në Shtetet e Bashkuara të njerëzve që kontribuojnë në destabilizimin e situatës në Ballkanin Perëndimor.

“Ne jemi thellësisht të shqetësuar për gjendjen humanitare dhe politike në Serbi përfshi impaktin e mundshëm që mund të ketë në Ballkanin Perëndimor përfshi Europën në tërësi. Ne inkurajojmë administratat tuaj të përfshihet me presidentin Aleksandër Vuçiç në të luftuarin e korrupsionit dhe të ndalë sulmet ndaj medias së lirë. Që të dyja këto janë kritike për prosperitetin e demokracinë në Serbi drejt aspirimit në Unionin Europian. Ne ju nxisim të konsideroni përdorimin e  Urdhrit Ekzekutiv 14033, për të bllokuar pronat dhe për të ndaluar hyrjen në Shtetet e Bashkuara të njerëzve që kontribuojnë në destabilizimin e situatës në Ballkanin Perëndimor. Gjëja e duhur do të ishte shtimi kërkesës për më shumë transparencë dhe llogaridhënie nga qeveria e Serbisë në respektimin e demokracisë, të drejtave të njeriut bashkë me shtetin ligjor”, thuhet ndër të tjera në letrën e firmosur nga kongresistët Raja Krishnamoorthi, Ritchie Torres, David N. Cicilline, Jan Schakowsky, James P. McGovern, Mike Quigley dhe Jim Costa.

“Gjatë vizitës suaj në Beograd në vitin 2016, ju folët për një të ardhme shpresëdhënëse për Serbinë dhe popullin serb. Për fat të keq, për të arritur në atë të ardhme më optimiste, ne besojmë se veprimet e mëtejshme diplomatike nga SHBA-ja dhe nga aleatët dhe partnerët tanë evropianë në veçanti janë vendimtare për t’u siguruar që Serbia mund të jetë efektive në zbatimin e reformave demokratike, duke bërë këtë, ata do të jenë në gjendje të përmirësojnë marrëdhëniet me të gjitha shtetet e Ballkanit Perëndimor, përfshirë Kosovën”, thuhet ndër të tjera në letrën drejtuar presidentit Biden nga kongresmenët.

Presidenti i Serbisë Aleksandër Vuçiç ka reaguar pas letrës, duke u shprehur ndër të tjera se ai nuk ka prona jashtë vendit.

“I lus që të më ngrijnë pronën jashtë vendit. Nuk mund të gjeni as një, sepse nuk e kam jashtë vendit”, tha Vuçiç, duke iu përgjigjur pyetjeve të gazetarëve.

Vuçiç tha se kërkesa është nënshkruar nga disa kongresistë të Partisë Demokratike dhe se (letra) është “njëpartiake”, dhe se do të shihet se sa kongresistë do ta nënshkruajnë “rezolutën” serbe në muajin e ardhshëm.

“Të shohim sa miq ka Serbia në Kongresin amerikan”, tha Vuçiç./Opinion.al

Pas