Arbër Hajdari
I nderuar Shkëlqesi Ambasador , Bashkë me fjalën e të gjithë te rinjve që perfaqësoj , grupim i cili do ta shikojë Shqipërinë e rimëkëmbur, Shqipërinë ashtu sic i ka hije e sic e meriton, të drejtë, të fortë dhe kryelartë, duam t’ju themi se jemi me ju e mbi të gjitha ju kerkojmë të mos dorëzoheni në betejën tuaj në emër të Shteteve të Bashkuara të Amerikës për ta bërë vëndin tonë më të mirë.
Në këto 18 muaj kemi parë tryeza pafund ku ju ambasador keni thënë gjëra që askush më parë nuk guxoi t’i thotë. Në emër të ktyre të rinjve që e duan Shqipërinë tonë, që besojnë në arritjen e mirëqenies së mohuar të atdheut, ne ju falenderojmë për të gjitha përpjekjet tuaja për të vendosur në këtë vënd drejtësinë e mohuar.
Ne na vjen mirë dhe njëkohësisht turp që ju shprehni dashuri për Shqipërinë me shumë se shqiptarët, ndaj z.Ambasador ne jemi me ju , ne jemi me Shtetet e Bashkuara te Amerikës për të dhënë mbështetjen tonë.
Ne kemi vetëm dy armë të thjeshta, por të fuqishme në dorë, fjalën e lirë dhe ndihmën për njëri tjetrin, të cilat po përpiqemi me gjithë mundësitë t’i përdorim në interesin e Shqiperisë tonë. Shpresojmë shumë që po ashtu si ju, të veprojnë të gjithë aktorët e arenës shqiptare. Z.Ambassador ne nuk duam ta lemë Shqipërinë, ne e duam këtë vend ndaj ju lutemi, më të gjithë fuqinë e fjalës tuaj, mos lejoni që njerëzit e “pushtetshëm” të këtij vëndi të punojnë kundër interesave të atdheut.
