E ardhmja e Lorik Canës do të jetë larg kampionatit francez të futbollit.
Mediat kanë zbuluar se pas ndërprerjes së kontratës me klubin e Nantës, ish kapiteni i përfaqësueses shqiptare i ka thënë, “Jo”, një tjetër klubi të Ligue 1.
Sipas të përditshmes sportive franceze “L’Equipe”, mbrojtësi ka marrë në ditët e kaluara një ofertë nga klubi i Dizho.
Mësohet, se klubi po kërkon përforcime cilësore në ditët e fundit të merkatos për qendrën e mbrojtjes, raporton panoramaSport.
Cana është parë si një përforcim i vlefshëm për mbrojtjen e skuadrës.
Bëhet me dije se atij i është ofruar mundësia që t’i bashkohet klubit në sezonin në vazhdim.
Gazeta franceze raporton se pas “refleksionit”, Cana ka refuzuar ofertën e Dizho.
Po sipas të njëjtave burime, ngrihen dyshime të mëdha për vazhdimin e karrierës së futbollistit shqiptar.
Pasi, ai mund të zgjedhë të tërhiqet përfundimisht nga futbolli.
