Një tërmet me magnitudë 4.3 të shkallës rihter goditi Shqipërinë në orën 05.03 të mëngjesit të 24 qershor 2025.
Nga të dhënat e publikuara nga Instituti i Gjeoshkencave (IGEO), epiqendra e tërmetit është regjistruar, pranë zonës së Nikël të Fushë Krujës, në një thellësi prej vetëm 15 kilometrash.
Epiqendra ishte 16 kilometra në veriperëndim të Tiranës dhe 12 kilometra në jug-jugperëndim të Krujës. Lëkundjet janë ndjerë në kryeqytet dhe në zonat përreth.
Tre paslëkundje janë egjistruar brenda 10 minutave pas goditjes së parë, me magnituda 2.2, 2.2 dhe 3.1 ballë.
Deri në këtë moment, nuk raportohet për dëme materiale apo persona të lënduar.
