Leka Bungo është zgjedhur kryetar i Këshillit Drejtues të Radio Televizionit Shqiptar. Parlamenti miratoi me 77 vota pro në seancën plenare të kësaj të hëne kandidaturën e tij. Në garë për këtë post ishte dhe Gaspër Marku.
Gjithashtu, Kuvendi miratoi me shumicë votash projektligjin “Për miratimin e marrëveshjes, ndërmjet ministrisë së Financave dhe Ekonomisë si autoritet kontraktues dhe shoqërive “S2 Albania” shpk dhe “Rapiscan systems” INC “Për një ndryshim në marrëveshjen e konçensionit për financimin, ngritjen dhe operimin e shërbimit të skanimit të kontejnerëve e automjeteve të tjera në Republikën e Shqipërisë, miratuar me ligjin nr. 123/2013” të ndryshuar””.
Një ligj tjeter qe mori shumicën e votave në Parlament është Akti Normativ i Këshillit të Ministrave “Për disa shtesa në ligjin nr. 105/2014 “Për barnat dhe shërbimin farmaceutik” të ndryshuar”” si dhe Akti Normativ “Për disa ndryshime në ligjin nr. 137/2020 “Për buxhetin e vitit 2021”.
