DURRËS- Vazhdojnë arrestimet për sasinë e madhe të drogës që u kap dje në Bari. Sot Policia e Durrësit ka arrestuar dy punonjës të kompanisë së skanimit në Portin e Durrësit, “Rapiscan”, të cilët dyshohet se lejuan kalimin e kamionit me drogë.
Sipas policisë “Rapiscan” bën skanimin e të gjitha mallrave, prandaj dyshimet të çojnë tek dy punonjësit të cilët mund të kenë lejuar kalimin e ngarkesës së dyshimtë.
Superoperacioni antidrogë u zhvillua dje ku një kamioni i nisur nga Shqipëria u kap në Bari të Italisë me plot 1650 kg drogë, të fshehur mes lëndës drusore.
