Dy efektivë policie si dhe 6 persona të tjerë janë vënë në pranga. Pas një hetimi nga SHÇBA rezultoi se efektivët kanë shpërdoruar detyrën, duke lejuar kultivimin e kanabisit.
Në Kukës, në operacionin e koduar “Kopshti i Skacajve”, u asgjësuan disa bimë narkotike. Për këtë operacion në pranga përfundoi inspektori i policisë, 58-vjeçari R.C.
Ky i fundit ishte punonjës policie me detyrë ndihmës specialist i Policimit në Komunitet në zonën Mal Zi të Kukësit. Po ashtu në pranga përfundoi dhe kryeplaku i fshatit Piskë në Kukës si dhe një 58vjeçar,
Nga hetimet, rezulton se punonjësi i Policisë dhe kryeplaku i fshatit Piskë, duke keqpërdorur atributet që u jep detyra, kanë lejuar dhe garantuar autorët e dyshuar të kryejnë këtë veprimtari të kundraligjshme. Edhe pse dyshohet se kishin dijeni mbi kultivimin e narkotikëve, ata nuk kishin informuar autoritetet.
Ndërkohë, në Mallakastër në kuadër të operacionit “Gjerbës”, SHÇBA ekzekutoi vendimin e masës së sigurisë “Arrest me burg” për punonjësin e policisë, L. XH., 51 vjeç, me detyrë inspektor i Policisë së zonës në Komisariatin e Policisë Mallakastër, i dyshuar për veprat penale “Shpërdorim detyre” dhe “Kultivim i bimëve narkotike”./ Opinion.al
