Aktualitet

Lejet unike të punës hyjnë në fuqi nga fundi i Marsit


Bëhu pjesë e Grupit Zyrtar të Opinion.al
>> KËTU <<
               Publikuar në : 15:38 - 02/01/22 |
Opi Nion

Kryetari i Dhomës së Tregtisë së Serbisë. Marko Cadez Chadez thotë se disa marrëveshje tashmë janë duke u zbatuar në terren në kuadër të nismës “Ballkani i Hapur”, siç është harmonizimi i orarit të punës së të gjitha shërbimeve në pikat kufitare, përfshirë ato veterinare dhe fitosanitare, të cilat tashmë janë duke punuar 24/7.

Biznesmenët tashmë mund të importojnë dhe eksportojnë mallra më shpejt dhe më lehtë. Vendosja e një leje unike pune mes tre shteteve pjese e Ballkanit te hapur do të marrë jetë në terren në fund të marsit në mënyrë që qytetarët pas kësaj qytetarët të regjistrohen dhe të punojnë në mënyrë më të thjeshtë në vendet e tjera të Ballkanit të Hapur.

Të tre shtetet kanë problem mungesën e fuqisë punëtore në sektorë të ndryshëm, Serbia në industrinë e ndërtimit dhe Shqipëria në fushën e turizmit. Pse studentët nga Beogradi, Novi Sadi dhe pjesë të tjera të Serbisë nuk do të punojnë në bregdetin shqiptar gjatë verës, apo punëtorët e tyre të ndërtimit, inxhinierët, elektricistët, të mos vijnë të punojnë me ne?” pyet Chadez.

Deri në fund të muajit mars, do të lëshohet numri ID i Open Balkan, i cili është në funksion të aplikimit për një leje të vetme pune. Ai shpjegon se kjo do t’u mundësojë qytetarëve që të regjistrohen më lehtë, të marrin një numër e ID nga e-Qeveria në vendin e tyre dhe me atë numër do të aplikojnë për leje pune në një vend tjetër në Ballkanin e Hapur.

Shërbimet kompetente veterinare dhe fitosanitare kanë rënë dakord që të njohin dokumentacionin e njëri-tjetrit, që do të thotë se nuk ka më dhe nuk do të ketë pritje në kufi për shkak të marrjes së mostrave të mallrave me origjinë shtazore dhe bimore.

Përjashtim bëjnë produktet me rrezik, që është më pak se shtatë për qind e totalit të mallrave të shkëmbyera nga të tre vendet”, theksoi Chadez. Procedurat e deritanishme i kanë mbajtur me ore ne radhë kamionët në pikat kufitare.

Chadez shtoi se, pas nënshkrimit të marrëveshjes në Tiranë, të tre vendet do të njohin statusin e “operatorit ekonomik të autorizuar të fituar në vendin e origjinës. Do të thotë se ata kanë plotësuar të gjitha standardet vendase dhe ndërkombëtare për të kryer zhdoganimin dhe kontrollet e nevojshme në magazinat e tyre dhe për të dorëzuar dokumentacionin në shërbimin kufitar në mënyrë elektronike. Kjo krijoi kushtet që kompanitë e tilla të kalojnë kufijtë pa vonesë.

Sepse palët janë zotuar të vendosin korsi shtesë në pikat kufitare për kamionët e këtyre kompanive. Këto tre shtete një ditë mund të formojnë një bashkim doganor niveli më i lartë kur bëhet fjalë për tregun unik, i cili nënkupton një politikë të përbashkët doganore ndaj të gjithë partnerëve të tregtisë së jashtme siç funksionon në BE.

Klan News

Pas