Amir Abrashi dhe Frajburgu janë ngjitur që sot në Bundesligë, falë fitores 21 në fushën e Paderbornit. Me 3 ndeshje nga fundi, Frajburgu ishte në pozita komode, sepse kishte një diferencë të madhe nga vendi i tretë, por duhej edhe një fitore për të mbyllur gjithçka në aspektin matematik, fitore që erdhi sot, duke bërë që në Frajburg të plasë festa.
Si zakonisht, Abrashi ishte titullar dhe dha kontributin e tij të zakonshëm, duke u konfirmuar një ndër lojtarët kyçë për këtë skuadër. Festë ka pasur edhe për Valdet Ramën, sepse Mynih 1860 mori një fitore të artë 20 në Hamburg kundër Sant Paulit dhe ka hedhur një hap gjigant përpara në renditje, sepse ka braktisur edhe zonën playout.
Rama luajti 45 minutat e para, duke u zëvendësuar në pushim, kur skuadra e tij kryesonte 10. Moment i zi për FSV Frankfurtin, që u shpartallua 41 në shtëpi sot nga Kaizerslauterni dhe ka zbritur në zonën playout, diçka e pabesueshme, duke pasur parasysh pozitat e mira të kësaj skuadre para dy muajsh. Kapllani u fut në minutën e 81të, pa pasur mundësi të ndryshonte gjë, ndërsa sulmuesi tjetër Halili qëndroi 90 minuta në stol.
