Një nga legjenat e futbollit kroat, njëkohësisht edhe President i Federatës Kroate të Futbollit, Davor Shuker i ka kushtuar një status të ndjerë ish-homologut të tij Fadil Vokrri, duke ndarë edhe një moment nga takimi me të.
Shuker ka postuar një fotografi me Vokrrin dhe e ka shoqëruar me diçiturën: Miku im i mirë, fatkeqësisht nuk është mes nesh, por gjithmonë do të jetë në zemrat tona. Pusho në paqe, Fadil Vokrri.
Kjo foto është shkrepur tre vite më parë, gjatë një darke të shtruar në nderë të homologëve kroatë, që u takuan një natë para takimit Kosovë-Kroaci në ‘Loro Boriçi’, ndeshje e vlefshme për kualifikueset e botërorit.
