Pas më shumë se 10 vitesh, banorët e një pallati me mbi 100 apartamente dhe dyqane kanë përfituar certifikatën e legalizimit. Drejtori i Përgjithshëm i Kadastrës, Artan Lame, kanë qenë në një takim me banorët e një pallati të braktisur nga investitori në Tiranë në njësinë nr.2.
“Jemi në njësinë 2, pranë Qytet Studentit, në një zonë dendësisht të banuar, me shumë ndërtime të larta, por fatkeqësisht edhe me ndërtime të pa legalizuara. Pallatet në këtë zonë janë të 2 kategorive, përveç shtëpive të banimit, përveç vilave. Janë pallate tërësisht pa leje, por edhe pallatet që janë bërë me leje që janë e kanë shkelur lejen. Në rastin konkret jemi në variantin më të keq, që pallati është bërë tërësisht pa leje. Pallati është bërë në vitet 2009-2010-2011 , ku ndërtuesi më pas heq dorë, dhe ju mbeti banorëve për tu marrë me procedurat e gjetjes së dokumenteve. Rruga për legalizimin e këtyre pallateve, u hap vetëm pasi u benë ndryshimet ligjore, kur procedurat ju kaluan Agjencisë Shtetërore të Kadastrës”.
Investitori i ka nisur punimet e këtij pallati pa leje ndërtimi në vitin 2009 dhe e ka përfunduar në vitin 2012. Ndërkohë që banorët prej 10 vitesh vuanin mungesën e certifikatës së pronësisë./Klan News
