Kryetarja e LSI Monika Kryemadhi ka folur për mediat pas takimit me liderin e opozitës, Lulzim Basha. Kryemadhi komentoi idenë e kryeministrit Rama për legalizimin e kanabisit për efekte kurative.
Ajo u shpreh se ideja e Ramës është shashkë të kryeministrit për të hequr vëmendjen nga ekonomia e cila është goditur rëndë nga pandemia COVID-19. Sipas saj, legalizmi i kanabisit është legalizimi i grupeve kriminale.
“Si gjithmonë Rama është një kryemashtrues qesharak. Kjo e vendosi në një pozicion të vështirë edhe ambasadorin e BE. Ky është një moment për të larguar vendin nga varfëria që ka pllakosur shqiptarët. Ligji është legalizim i grupeve kriminale dhe të varfrin për të vrarë, të mesmin për ta bërë të varfër.Legalizimi i kanabisit është një nga skandalet e radhës dhe shashkat e radhës që hedh Rama, sepse nuk do që shqiptarët të diskutojnë për varfërinë. Shumë shpejt shqiptarët do të diskutojnë për bukën e gojës,”-tha Kryemadhi./ Opinion.al
