Ish-kryeministri Sali Berisha ditën e sotme po mban një konferencë për mediat, ku po flet për çështjen e legalizimit të kanabisit.
Gjatë fjalës së tij Berisha tha se ky është një vendim për legalizimin e krimit, drogës, vrasjeve.
“Është vendim për legalizimin e krimit, drogës, vrasjeve, dhe drogimin e të rinjve. Rrënimin e shëndetit fizik dhe mendor si dhe të identitetit të shqiptarëve. Legalizimi i kanabisit është i dëmshëm, vret të rinjtë. Në formimin tim si mjek kam lexuar gjërësisht për kanabisin, jam i vetëdijshëm se vaji i kësaj bime përdoret për lehtësimin e disa rrthanave, ankthit, dhimbjeve dhe të tjerave. Në këtë kontekst, të dhëna nga mjeku nuk kam ndonjë kundërshti, por studime të gjera të universiteteve më prestigjoze kanë faktuar se kanabis krijon probleme serioze strukturore dhe në procese të trurit. Shfaq psikoza më të rënda”, tha Berisha.
