Nga Suada Daci
Ledri Vula, ‘mbreti’ i vetëshpallur i muzikës, meriton të konsiderohet pa më të voglin dyshim si personazhi i javës që po lëmë pas. Promovimi i klipit të ri “Kings”, u parapri nga një fushatë shumë e zgjuar marketingu, e cila solli në formën e një countdoën-i copëza nga jeta e reperit të shumë pëlqyer, minivideo që paralajmëronin koncertin në sheshin kryesor të Prishtinës, ku do të prezantohej për herë të parë edhe kënga e re. Dhe siç pritej, impakti qe i shkëlqyer. Sheshi u mbush plot nga adhurues të tij dhe promovimi i videos u bë në mënyrën më të mirë të mundshme.
Po të flasim pak për këngën… E kemi mësuar tashmë, që të gjithë reperat në këngët e tyre flasin me superlativa dhe fjalë të mëdha për veten dhe artin e tyre, por nëse bën një kërkim të shpejtë në rrjetet sociale Ledri e meriton të quhet “mbret”, pasi është reperi më i ndjekur duke numëruar më shumë se 500 mijë ndjekës në ‘Instagram’, duke lenë pas emra të njohur të hip-hopit si: Noizy, Getoar Selimi, Majk, Capital T, Skivi, etj.
Ky projekt i ri i këngëtarit u komentua edhe për ngjashëmri mes tij dhe koleges, Era Istrefi. “Unë jam Era”, – thotë këngëtarja në hitin “Bon Bon”, ndërsa Ledri: “Unë jam Vula” dhe koreografia apo stili i të veshurit është thuajse i njëjtë me këngëtaren Istrefi. Të dy këngëtarët janë pjesë e labelit “NesërMusic”, por secili me influencë të madhe në tregun muzikor. Si një këngëtar me më shumë vite eksperiencë në tregun muzikor shqiptar, Ledri Vula e ka komplimentuar gjithnjë kolegen e tij Istrefi, duke e cilësuar si një talent në muzikë ndaj jo më kot sollën një vit më parë edhe hitin “Shumë pis”, duke mbushur diskotekat shqiptare.
“DonZhuani” i estradës shqiptare e ka gjithashtu edhe vëmendjen femërore. Ai është përfolur për lidhje me shumë femra të shoëbiz-it dhe jo vetëm. Për shkak të një femre (Dafina Zeqirit) ju desh që për një vit të hiqte dorë nga muzika dhe t’i rikthehej regjisurës (për të cilën ka studiuar) dhe ishte pikërisht një femër ajo që e rikthehu në treg (Angela Martini e dashura dhe modelja) në klipin e tij 100 Probleme. Kënga “100 Probleme” përveç tekstit goditës (ku përmblidhej gjithë karriera e tij muzikore), solli edhe një klip me skena provokuese krah seksi Angelës, çka bëri që rikthimi i tij të ishte më i bujshëm, ndonëse historia e me supermodelen Martini nuk zgjati shumë.
“100 problemet” e Ledrit duket se stopuan dhe menjëherë pas tyre u lançuan të tjera këngë si, “Hallakama”, një tjetër bashkëpunim me këngëtaren Dafina Zeqiri (bashkëpunimi i 3-të) “Got Ur Back” ku nuk munguan përsëri zërat për një rikthim mes tyre, si dhe projektin e tij në bashkëpunim me Blunt dhe Real 1 “Nese mdon Ti” (Remix), një këngë që arriti miliona klikime, duke u renditur si një ndër hitet e verës 2014.
Viti 2015 ishte shumë i suksesshëm për Ledri Vulën, pas suksesit të madh me këngën “Tavolina” (22 milion klikime në YouTube) treshja e famshme Ermal Fejzullahu, Lumi B dhe Ledri Vula sollën një tjetër këngë me të cilën fituan çmimin e parë në “Top Fest”-in e fundit. Pas hitit “Shko” Ledri erdhi në bashkëpunim me Era Istrefin me këngën “Shumë Pis”, projekt që theu rekorde, ku brenda 24 orëshit të parë të publikimit arriti plot 1 milion klikime në You Tube.
Karriera e reperit të famshëm kosovar ka njohur deri tani vetëm anën e ndritshme të medaljes, prandaj Ledri ka të drejtë ta quajë veten “mbret”.
