Ledri Vula dhe Noizy shumë shpejt do të publikojnë bashkëpunimin e tyre të ri. Dhe, njeriu më krenar për këtë duket se është menaxheri i Ledrit, Faton Shoshi.
Ledri shihet shpesh në praninë e menaxherit të tij, Faton Shoshit, i cili është një nga meritorët për rikthimin e fuqishëm të tij në skenë.
Njeriu i cili konsiderohet si “fajtori” prapa suksesit të Ledrit e Era Istrefit në vitin e fundit, ka publikuar një foto në rrjetin social Instagram.
Ai në studio shihet me Ledrin dhe Noizyn, dy prej reperëve më të mëdhenj shqiptar, të cilët më parë kanë pasur marrëdhënie jo të mira.
Por, duket se ndikimi i Shoshit ka bërë që palët të largojnë dallimet e tyre dhe të vijnë me një bashkëpunim të madh për fundvit.
Po ashtu Telegrafi ditë më parë raportoi se Ledri do të publikojë edhe pesë bashkëpunimë të mëdha deri në janar. Në mesin e bashkëpunimve pritet të ketë emra të zhanreve të ndryshme dhe femra të estradës.
