Programi i njohur investigativ “Le iene” i ka kushtuar një hapësirë të vecantë italianëve emigrante në Shqipëri. Të ardhur nga zona të ndryshme të Italisë , ata kanë ngritur biznese të ndryshme këtej Adriatikut dhe shprehen, se e ardhmja është në Shqipëri. Tashmë kanë kaluar 25 vjet nga koha kur shqiptarët shkonin drejt Italisë, ndërkohë që sot, italianët e papunë vijnë në Shqipëri.
Përmes intervistave të realizuar me italianë që jetojnë në Shqipëri, rrëzohen edhe paragjykimet ndaj shqiptarëve si grabitës apo kriminelë.
“Është një vend që ka prekur fundin, tani vetëm mund të ngrihet”, shprehet Roberto një kalabrez që jeton dhe punon në Shqipëri.
