Pas CNN, tani prestigjiozja franceze “Le Figaro” ka përshkruar Shqipërinë si një ndër destinacionet e fundit sekrete në Europë mes plazheve të bruzta me rërë të bardhë, qyteteve të lashta historike dhe Vjosës, Parkut të parë Kombëtar të lumit të fundit të egër në Europë.
Shqipëria renditet mes 15 vendeve që gazeta franceze ka renditur mes destinacioneve më të bukura për t’u vizituar gjatë vitit 2024.
‘Këtu është lista jonë e qyteteve, rajoneve dhe vendeve në mbarë botën ku duhet të vendosim kursin këtë vit”, shkruan e përditshmja franceze e “Le Figaro” ku mes 15 destinacioneve që nuk duhen humbur këtë vit Shqipërinë e rendisin në vendin e 8-të.
Sipas Figaro, Shqipëria është një nga destinacionet e fundit sekrete në Evropë, e cila pasi ka qenë prej 46 vitesh një nga vendet më të mbyllura në botë për shkak të diktaturës, prej disa vitesh ka hapur dyert për turistët.
Me një gjatësi prej 465 kilometra vijë bregdetare, laget nga uji bruztë i Adriatikut dhe Jonit, të ofron plazhe magjepsëse me rërë të bardhë. Jehonë, prestigjozja franceze, i bën edhe lumit Vojsa.
Në Shqipëri ju mund të eksploroni luginën e Vjosës, lumin e fundit të egër në Europë dhe i pari që u bë “park kombëtar”.
\Më tej në shkrim sugjerohet eksplormi në brendësinë e vendit: madhështorja Lugina e Valbonës (jo larg nga Mali i Zi), liqeni i Ohrit i klasifikuar nga Unesco si pjesë e trasëgimisë kulturore.
Nga ana tjetër Le Figaro rendit si vende për t’u vizituar edhe qytetin e Berati, “qyteti me një mijë dritare”, ose qytetin e Gjirokastrës të njohura për trashëgiminë kulturore dhe historike. Pa harruar Tiranën, e cila po modernizohet me shpejtësi të madhe.
Sipas gazetës franceze Shqipëria i foron turistëve çmime shumë të mira e tërheqëse në raport me cilësinë.
