Lazio ka fituar Superkupën e Italisë. Kryeqytetasit kanë përsëritur në dy javë të njëjtin rezultat kundër Juventusit duke i mundur sërish 3-1.
Finalja e zhvilluar në Riad të Arabisë Saudite dhuroi spektakël nga të dyja skuadrat por djemtë e Inzaghit u treguan superiorë ndaj “Zonjës së Vjetër”.
Luiz Alberto kaloi në avantazh Lazion në minutën e 16 të takimit. Juventusi u kundërpërgjigj me Dybalan në fund të pjesës së parë duke e mbyllur barazim 1-1.
Në pjesën e dytë, kur pritej reagimi i bardh-e-zinjve vjen dhe goli i avantazhit për Lazion falë një supergoditje nga Luliç në minutën e 73.
Përpjekjet e Juventusit për të barazuar u ndalën nga një Strakoshë në super formë. Në minutën e 94 vjen dhe goli i tretë për Lazion me një goditje dënimi nga jashtë zonës të Cataldit. /Opinion.al
