Ministri i Jashtëm i Rusisë tha se Shtetet e Bashkuara të Amerikës duan që bota të duket si një “sallon amerikan”.
Rusia ka humbur çdo iluzion për t’u mbështetur te Perëndimi dhe Moska nuk do të pranojë një botë të dominuar nga një SHBA që dëshiron të veprojë si një sherif global, tha sot Sergei Lavrov.
Ka shumë vende, tha ai, të cilat “nuk duan të marrin urdhra nga ‘xhaxhi Sam’”.
Ai shtoi se “sanksionet na bëjnë më të fortë”.
Lavrov foli për RT, transmetuesin rus të kontrolluar nga shteti.
Pikërisht këtij Kanali lajmesh, në gjuhën angleze, iu hoq licenca nga rregullatori i medias në Mbretërinë e Bashkuar sot pasi mendoi se nuk ishte “e përshtatshme dhe e duhur” për të mbajtur një licencë për shkak të pushtimit rus në Ukrainë./Opinion.al
