Gjatë konferencës për shtyp të mbajtur këtë të enjte Lavrov përsëriti pretendimet se SHBA ka zhvilluar armë biologjike në Ukrainë.
Ai pretendon se “fakte të reja” janë zbuluar në “territoret e çliruara” – që janë dy rajonet e kontrolluara nga Rusia në Ukrainën lindore dhe se sulmet ishin përgatitur kundër këtyre zonave për muaj të tërë.
Po ashtu ai thotë se Pentagoni po përdor territorin ukrainas për të zhvilluar patogjenë që mund të përdoren për të krijuar armë biologjike – një pretendim që SHBA-ja e ka quajtur “të çmendur”.
Lavrov u shpreh se “nuk është çudi” që Shtëpia e Bardhë e ka mohuar këtë dhe se BE-ja dhe OKB-ja kanë thënë se nuk ka prova që kjo të ndodhë, sepse amerikanët e bënë atë në “fshehtësi të plotë”.
