Posedimi i armëve bërthamore në kontekstin e parandalimit është sot e vetmja përgjigje e mundshme ndaj disa kërcënimeve të jashtme të rëndësishme për sigurinë e Rusisë, tha Ministri i Jashtëm rus Sergej Lavrov në një intervistë për revistën International Affairs.
“Në të vërtetë, kohët e fundit është folur shumë për rolin e armëve bërthamore në politikën e jashtme të Rusisë. Dëshiroj t’ju kujtoj se kushtet për përdorimin e tyre të mundshëm nga ana jonë janë të përcaktuara në dokumentet doktrinore. Është e rëndësishme t’i kuptojmë ato: politika shtetërore në fushën e parandalimit bërthamor është ekskluzivisht mbrojtëse”, theksoi ai.
“Në kontekstin e parandalimit, posedimi i armëve bërthamore është sot e vetmja përgjigje e mundshme ndaj disa kërcënimeve të jashtme të rëndësishme për sigurinë e vendit tonë”, theksoi kryediplomati rus./Opinion.al
