Kryediplomati rus, Sergej Lavrov kujtoi deklaratën e shefit të politikës së jashtme të Bashkimit Evropian, Josep Borrell, se Perëndimi po bënte gjënë e duhur duke armatosur Ukrainën dhe bëri thirrje për shtimin e furnizimeve me armë në Kiev.
“Perëndimi nuk duhet të shqetësohet për interesat kombëtare të Rusisë, vendi ka dalë më i fortë nga të gjitha problemet”, tha ministri i jashtëm rus Sergej Lavrov në një konferencë të premten.
“Faleminderit për shqetësimin tuaj për interesat tona kombëtare, por nuk duhet të ndiheni të shqetësuar”, tha Lavrov, duke iu përgjigjur një pyetjeje nga Reuters.
Për tentativën për rebelim në Rusi, Lavrov tha se “Rusia ka dalë gjithmonë më e fortë nga çdo telash”.
“Kështu do të jetë edhe këtë herë”, theksoi ai. “Për më tepër, ne tashmë ndjejmë se ky proces ka filluar. Lavrov shtoi se përpjekja për rebelim në Rusi solli në mendje vetëm një epitet – “shumë zhurmë” – dhe vështirë se mund të përshkruhet në një mënyrë tjetër./Opinion.al
