Rusia nuk i ka ndalur kurrë përpjekjet e saj për të shmangur një Luftë Botërore”, tha ministri i Jashtëm i Moskës, Sergej Lavrov, i intervistuar nga Giuseppe Brindisi për “Zonën e Bardhë”. Për herë të parë, ministri i Putinit jep një intervistë për një TV evropian dhe sulmon: “Mediat perëndimore gjithmonë keqinterpretojnë atë që ne themi”.
A do të rezultojë kjo luftë në një luftë bërthamore? Lavrov përgjigjet:
“Masmedia dhe politikanët perëndimorë keqinterpretojnë atë që thuhet nga institucionet ruse. Kur flasin për kërcënime dhe më pyesin se sa reale janë këto kërcënime, unë gjithmonë përgjigjem kështu: Rusia nuk i ka ndalur kurrë përpjekjet për arritjen e marrëveshjeve që sigurojnë të mos ketë luftë. Ne u kemi propozuar kolegëve tanë amerikanë që të përsërisin atë që u tha nga Gorbaçovi dhe Regani në 1987 dhe të pranojnë një deklaratë që konfirmon se një luftë bërthamore nuk do të kishte fitues. Ne nuk kemi qenë në gjendje të bindim Trumpin, por administrata e Biden ra dakord. Dhe në vitin 2021 në Gjenevë Putin dhe Biden e pranuan këtë deklaratë, me iniciativën tonë. Kishte gjithashtu një propozim nga Putin për të thirrur një samit të pesë anëtarëve të përhershëm të Këshillit të Sigurimit të OKB-së, por SHBA dhe Britania e Madhe e vonuan”.
Si e sheh Rusia Italinë sot? – Përgjigjet Lavrov:
Italia është në rreshtin e parë mes atyre që jo vetëm miratojnë sanksione anti-ruse, por edhe të gjitha nismat në këtë kuptim. Fatkeqësisht në fillim ishte një surprizë, por tani jemi mësuar që edhe Italia të jetë kjo, ndoshta kjo është e vërteta, nuk e di. Më dukej se populli italian dhe Italia kishin një qasje paksa të ndryshme ndaj botës dhe ndaj drejtësisë dhe se dinin të dallonin të zezën nga e bardha. Nuk dua të gabohem këtu, disa deklarata të disa politikanëve italianë për të mos përmendur shtypin kanë shkuar vërtet përtej standardeve të mira diplomatike dhe etikës gazetareske”.
A ishin provokim raketat ruse në Kiev gjatë vizitës së Guterres? – Lavrov përgjigjet:
“Ne gjithmonë paralajmëruam kur Presidenti Putin foli për fillimin e këtij operacioni special se objektivat do të ishin infrastrukturat ushtarake të vendosura në Ukrainë. Dhe se ato përdoren për të ushtruar presion mbi popullsinë civile dhe janë një kërcënim për Rusinë. Ne sulmojmë objektivat ushtarake për të privuar radikalët ukrainas dhe regjimin ukrainas nga forcimi i pozicionit të tyre të luftës. Kjo është e qartë”.
Cilat janë armët që nuk janë parë më parë të shpallura nga Putin? – Lavrov përgjigjet:
“Të gjithë e dinë, tre vjet më parë Presidenti Putin prezantoi armë të reja ultrasonike që filluan të jenë në qendër të vëmendjes tonë pasi Shtetet e Bashkuara prishën marrëveshjen kundër armëve bërthamore. Më pas presidenti Putin pyeti pse ky dokument nuk u nënshkrua dhe se do të lejonte një paqe botërore, por Presidenti Bush i ri tha se ata donin të dilnin nga marrëveshja, sepse ishin të shqetësuar për Iranin dhe Korenë e Veriut. Kështu që armët ultrasonike u përpunuan sepse sistemi kundër raketave i SHBA-së do të synonte Rusinë dhe Kinën, kjo është arsyeja pse këto armë janë zhvilluar.
A do të shpallë Rusia luftë totale më 9 maj? – Lavrov përgjigjet: “Ushtria jonë nuk planifikon veprime të bazuara në datë. Ritmi varet nga nevoja për të minimizuar rreziqet për popullsinë civile dhe për ushtrinë ruse”.
A ka mercenarë perëndimorë në Ukrainë? – Lavrov përgjigjet:
“Të gjitha polemikat në lidhje me praninë e mercenarëve nga batalioni Ëagner shërbejnë për të larguar vëmendjen nga ajo që po bëjnë kolegët tanë perëndimorë dhe situata në lidhje me përplasjen në fabrikën e çelikut Azovstal në Mariupol dhe dëshirat histerike të Zelensky, shoqëruesve të tij dhe partnerëve perëndimorë për t’i nxjerrë këta njerëz, ka të bëjë me faktin se në radhët e radikalëve ukrainas ka mercenarë dhe oficerë perëndimorë”.
A ka ndodhur një masakër e civilëve në Bucha? – Lavrov përgjigjet: “Më 30 mars ushtria ruse u largua nga Bucha. Kryetari i bashkisë së Buchës shpalli fitoren duke thënë se Bucha ishte kthyer në jetën normale dhe më pas pas tre ditësh filluan t’i tregojnë këta të vdekur. Nuk dua të hyj në këtë aspekt, sepse është aq evidente sa është një falsifikim sa çdo vëzhgues mund ta kuptojë që në shikim të parë”.
A dëshiron Rusia dorëzimin e Zelenskit për paqe? – Lavrov përgjigjet: “Zelensky mund të sjellë paqe nëse ndalon së dhënë urdhra kriminale për batalionet e tij naziste dhe i detyron ata të ndalojnë armiqësitë. Ne nuk duam që ai të dorëzohet, ne duam që ai të japë urdhrin për të ndaluar armiqësitë dhe për të lënë të gjithë civilët. Qëllimi ynë nuk është ndryshimi i regjimit në Ukrainë, ky është një specialitet amerikan, zakonisht ata merren me këtë në të gjithë botën. Ndërsa ne duam vetëm të garantojmë sigurinë e njerëzve në lindje të Ukrainës në mënyrë që ata të mos kërcënohen nga nazifikimi i këtë vend dhe se asnjë kërcënim ndaj Federatës Ruse nuk vjen nga Ukraina.
A është vërtet i sëmurë Putin? – përgjigjet Lavrov (duke qeshur): Pyetni liderët e huaj që na kanë folur në periudhën e fundit.
Pse të paguani gazin në rubla? – Lavrov përgjigjet:
“Vendet europiane që importojnë gazin rus, si Italia, duhet ta paguajnë me rubla, sepse kanë vjedhur” rezervat valutore të Moskës në dollarë dhe euro të depozituara në bankat europiane duke vendosur një ngrirje nën sanksione. Ju ende do të paguani në monedhën e përcaktuar në kontrata, por furnizimet do të konsiderohen të paguara kur këto shuma të jenë konvertuar në rubla, të cilat nuk mund të vidhen. Për blerësit nuk do të ndryshojë asgjë, do të paguajnë të njëjtat shuma të parashikuara në kontrata”./Opinion.al
