“SHBA dhe BE kanë “injoruar” kërkesat e Rusisë për sigurinë”. Është kjo fjalia me të cilën i është drejtuar Ministri i Jashtëm rus Serghei Lavrov, Sekretarit Amerikan të Shtetit Antony Blinken në një bisedë telefonike.
Lajmi u bë i ditur përmes një shënimi, nga Ministria e Jashtme ruse. Për Lavrov, pretendimet e Uashingtonit se Moska dëshiron të pushtojë Ukrainën janë “provokime” dhe një mënyrë për të bërë “propagandë” anti-ruse, citon Ansa.
Blinken, përpara intervistës kishte folur për shenja të një përshkallëzimi në Ukrainë nga Moska. “Ne vazhdojmë të shohim shenja shumë shqetësuese të një përshkallëzimi në Rusi, siç është ardhja e trupave të reja në kufirin me Ukrainën”.
“Histeria e Shtëpisë së Bardhë i thotë të gjitha. Anglo-amerikanët duan një luftë”, tha zëdhënësja e Ministrisë së Jashtme ruse Maria Zakharova, duke komentuar deklaratat e këshilltarit të Sigurisë Kombëtare të SHBA-së, Jake Sullivan, i cili foli për mundësinë e një sulmi të afërt nga Rusia ndaj Ukrainës./Opinion.al
