Thiago Motta nuk është më trajner i Juventusit. Siç edhe pritej, drejtuesit i kanë komunikuar shkarkimin teknikut italian.
Shkak për këtë javë bërë rezultatet negative në javët e fundit, që sollën eliminimit nga Liga e Kampioneve, Kupa e Italisë dhe dy disfata në kampionat.
Juventusi nuk humbi kohë dhe menjëherë zgjodhi trajnerin e ri. Drejtimi i skuadrës i është besuar Igor Tudor.
Një rikthim te Juventusi për 46-vjeçarin, i cili ka luajtur 7 sezone si lojtar dhe ka qenë pjesë e stafit të trajnerit Andrea Pirlo në sezonin 2020-2021.
Tudor do të zbarkojë në Itali mbrëmjen e kësaj të Diele, për të firmosur kontratën dhe të Hënën do të nisë nga puna.
Palët kanë arritur marrëveshjen për kontratën deri në Qershor, më mundësi rinovimi deri në vitin 2026.
