Pas largimit të Komisionit të Rithemelimit të Partisë Demokratike, të dalë nga Kuvendi i 11 Dhjetorit, i thirrur nga ish-kryeministri Berisha, po ashtu edhe të të rinjve të FRPD, Lulzim Basha është futur në seli, përmes derës së pasme të ndërtesës.
Basha ndodhej jashtë selisë pasi po zhvillonte një takim me gazetarët që mbulojnë zhvillimet në selinë blu. Ai nuk ka përdorur derën kryesore ku prej disa ditësh janë vendosur postera por ka hyrë nga dera anësore.
Sikurse u njoftua edhe dje nga Sekretari i Përgjithshëm Gazmend Bardhi në selinë blu janë duke u kryer punime dhe për këtë arsye dyert janë të mbyllura. Ai tha se çdo deputet që do të hyjë në seli duhet të njoftojë më parë adnministratën.
