Kryeministri Edi Rama ka ndryshuar drejtoret kryesore të administratës në vend. Opinion.al ka mësuar largimin e drejtoreshës së Tatimeve, Briseida Shehaj, drejtoreshës së Doganave, Pranvera Fagu dhe asa të të Qendrës Kombëtare të Regjistrimeve.
Kështu pas 3 vitesh në detyrë, ikën nga kreu I administratës tatimore, Briseida Shehaj. Burimet thanë se Shehaj do të emërohet zv/ministre e Ekonomisë.
Sakaq, Rama ka vendosur të largojë nga Doganat, Pranvera Fagu e cila ka vetëm një vit më detyrë. Fagu merr një tjetër detyrë jo pak të rëndëshishme atë të Qendrës Kombëtare të Regjistrimit (QKR).
Por kush janë drejtoreshat e reja të Doganave dhe Tatimeve?
Edi Rama ka vendosur tua besojë sërish grave dy institucionet kryesore të mbledhjes së të ardhurave të shtetit.
Kështu në krye të Doganave shkon Belinda Ikonomi. Edhe pse është një emër I panjohur për publikun ajo ka qenë për shumë kohë këshilltare e Ramës.
Ndërkohë, drejtoreshë e Tatimeve do të emërohet Vasilika Vjero. Ajo është prej vitesh bashkëpunëtore e Ramës. Vjero ka qenë drejtoreshë e Taksave në Bashkinë e drejtuar nga Rama, dhe gjatë tre viteve të fundit ka mbajtur postin e drejtores së QKR-së./Opinion.al
