Shefi i Urgjencës Kombëtare Skënder Brataj ka folur lidhur me vendimin e Prof.Tritan Kalos për t’u larguar nga komiteti i ekspertëve dhe njëkohësisht lidhur me angazhimin e Dr.Najada Çomo në listat e deputetëve të Partisë Socialiste.
Duke folur për kontributin e Kalos në mjekësi, Brataj u shpreh i keqardhur për largimin e tij.
“Prof. Kalo ka patur një kontribut dhe do të vazhdojë ta ketë. Patjetër që më vjen keq, sepse është një nga infeksionistët më të mirë, është një nga kolegët më të kompletuar, por besoj që Shqipëria nuk ka vetëm Prof. Kalon dhe mua”, u shpreh Brataj në një intervistë në News 24.
Ndërkohë, lidhur me angazhimin politik të Shefes së Infektivit, ai tha se ajo është një nga shtyllat e sistemit shëndetësor.
“Politkan i zoti është ai që gjen profesionistin e zotë dhe e shfrytëzon. Nëse politika është e zgjuar dhe gjen profesionistin e zotë, shfrytëzoje. Përse mjekët duhet të bëjnë përjashtim nga kjo? Edhe Prof. Najada vërtet që është një nga shtyllat e sistemit shëndetësor, përballoi një gjë dhe po përballon dhe besoj që s’ka për ta abandonuar shërbimin sido të shkojë situata”, tha Brataj. /Opinion.al
